Inschrijven

Limburgs Kampioenschap Zûkt Hermeniekes (LKZH)

Wat is ‘n Limburgs Kampioenschap Zônger Hermeniekes? Juus, ‘n LKZH!! Toch vinge weej de oorspronkelikke beteikenis van ‘t LKZH baeter, ‘n Limburgs Kampioenschap Zaate Hermeniekes. Dus, ‘t Limburgs Kampioenschap Zûkt Hermeniekes (LKZH).

‘t Limburgs Kampioenschap Zaate Hermeniekes, oftewal LKZH wuurt al sûnk 1983 jaorliks georganiseerd. Tiëdes deze aovend strieje verschillende Zaate Hermeniekes of kepelle öm de titel Limburgs Kampioen Zaate Hermeniekes. ‘t LKZH is ‘nne wedstriëd, mâr ‘t dreijt ok zeker öm ‘t make van nieje muziekvriende en ‘t belaeve van ‘nne gezellige aovend. Alle daelnemers zien muzikante mèt dezelfde passie en same make ze d’r altiëd ‘n grandioos fiës van. Ofse nouw oëtblinks in muzikale kwaliteit (Lekker Kei Zuüver Hermenieke, LKZH), indrök mâks mèt ‘n creatieve choreografie (Lenige Kunsjes Zwierende Heupjes, LKZH) of gewoën zât-e-weg oppe bühne stès (Lekker Kleppe, Zoëpe, Höffe), idderein is welkom!!

‘t is ‘n schoën podium öm muziek te make en gruüts te zien op de blaosmeziek-kultuur dae weej in Limburg riëk zien!

De aanmelding vur de edisie van dit jaor (op zaoterdig 22 november) is geeupend. Wach neet te lang en zorg desse d’rbeej bis! 

Aanmelde kin via ongerstaod formulier.

P.S. Op vriëdig 21 november hebbe we ‘nne Lekkere, Knallende, Zwoele Happening (LKZH), eigelik gewoën ‘nne biëstig gezellige fiësaovend gepland. Dao moog ge ok gerös sfeer kômme bringe en preuve!!